Antes pa man ro Regional Comprehensive Economic Partnership ukon RCEP, nagaintra eon ro nasyon sa mga agreement it world trade organization apang uwa sigon raya naenjoy bangud nga ro naging resulta hay sigidas gihapon ro importation kaparehas sa agricultural products.
Raya ro naging reaksyon ni Kabataan Partylist Representative Raoul Abellar Manuel kasunod it aprubadong pag-intra it Pilipinas sa RCEP.
Sa naging botohan sa senado, kapin sa 20 senador ro pumabor samtang uwa nagpabor si Senator Risa Hontiveros ag nag-abstain mat-a si Senator Imee Marcos.
Suno pa kay Manuel, uwa ginasuportahan it gobyerno ro kinahang-eanon it mga mangunguma it nasyon rason nga nagasalig kita sa importasyon maskin nga masarangan man it nasyon nga maka-produce it pagkaon sa kaugalingon nga hugod kaparehas it bugas ag iba pang agricultural products.
Angot kara, nakabaehag sigon sa konstitusyon nga dapat hay pumabor ro Matag-as nga Kapueungan antes maging epektibo ro anumang international treaty.
