Kon amat sa sobrang pagtinangis it unga hay gulping nagakaea-os.
Bangud kara , gulping napapa-isip ro mga ginikanan kon ano ro bueong sa ea-os nga boses.
Mayad kon obserbahan anay ro unga suno sa mga eksperto.
Suno sa United Kingdom National Health Service, posibleng may una nga laryngitis ro unga kon mag-eowas sa ea-os nga boses hay nakakabatyag man imaw it iba pang sintimas kapareho it nakaka-irita nga ubo nga indi maduea.
Pirmeng naga-uligham ukon clearing the throat masakit ag makatoe nga tutunlan , eagnat nga 38 degrees pataas, owa it ganang magkaon ukon mag-inom ag kabudlay sa paggginhawa.
Ro laryngitis hay ro kondisyon it tutunlan kon sa siin nairita ukon naghaeok ro voice box ukon vocal cords.
Naga-grabe ro kondisyon sa ikatlong adlaw it pag angkon it laryngitis.
Apang kaeabanan sigon raya nga nagamayad it kusa sa sueod it sang domingo hasta daywang domingo.
Indi dapat sigon nga magmaea ro tutunlan kon ea-os ro boses.
Rason nga mag inom it maabu nga tubi ag iba pang fluids agud nga malikawan ro hydration.
Ipaeayo ro mga unga sa mga maaso ag maalikabok nga lugar.
Kaeabanan nga allergens ukon triggers ro asu ag alikabok
