Ro plema hay may importanteng ginabuytan sa pagbo-oe it mga bukon it angay ag bagay sa atong baga.
Para sa mga healthy nga tawo, ro lining sa gina-agyan it hangin sa baga hay may manipis nga layer it mucus nga ginatawag nga mucus blanket.
Raya ro nagapugong sa alikabok, bacteria, ag iba pang particles nga makasamad sa baga.
Ro mucus it sangka healthy nga tawo hay dahan-dahang nagasaka para maipaguwa ro plema.
Apang para sa mga tawong mabaskog manigarilyo ag may sakit sa baga, ro makarondaya nga paglimpyo it baga hay nagahina.
Bangud kara, ro mucus hay nagatipon sa baga ag nagiging madukot ag madueaw.
Raya ro nagiging rason para mabudlayan nga magginhawa.
Agud nga mabo-oe ro plema, mag-inom it waeo hasta 10 nga baso it tubi kada adlaw para mabawasan ro madukot nga plema ag madali raya nga maipaguwa.
Mag-inom it mucolytic, kapareho it carbocisteine ukon ambroxol capsules.
Ro nasambit nga mga bueong hay pwedeng makapabag-o sa plema.
Matueog gamit ro daywang mahaea agud nga indi magtipon ro plema sa tutunlan ag baga.
Magpa-check-up sa doctor agud nga masayuran ro ginhalinan it plema.
Kun kamo hay nagasigarilyo, punduhon eon ro nasambit nga bisyo.
Tandaan nga ipabilin ro inyong baga nga malimpyo ag healthy agud nga maka-ginhawa it maayos .
