Igatao it Pilipinas ro unang batch it bivalent COVID-19 nga mga bakuna sa mga healthcare worker ag senior citizen, suno sa Department of Health.
Suno kay DOH officer-in-charge Maria Rosario Vergeire, ro mga indibidwal nga nagakadapat eamang sigon nga unang makaangkon it nasambit nga bakuna para sa omicron-targeted jabs hay ro ap-at nga buean maghalin it andang pinaka-ulhing pagbakuna.
Pagagamiton sigon anay it departamento ro mga nasambit nga bakuna sa nagapangunang prayoridad bangud ro mga jabs hay indi magiging bastante para sa tanan nga una sa kategorya it A1 hasta A3.
Nasayuran nga ro ahensya hay nakaboue it 1,002,000 milyong doses it mga bivalent nga bakuna it Pfizer maghalin sa pasueod it COVAX nga international vaccine-sharing scheme nga suportado it United Nations.
