Mas prone nga makaangkon it sakit sa tagipusuon ro mga kaeaeakin-an kumpara sa mga babaye.
Base sa pag-usisa , mas matag-od it limang dag-on ro andang kabuhi rason nga mas naunang nagakamatay.
Daywa ro rason kara , ro lahi ag pagpangabuhi.
Una kon may sakit sa tagipusuon ro ginikanan, mas mataas ro peligro nga raya hay mamana.
Ikaywa, ro mga eaeaki ro ginasaligan nga magtrabaho, maghugod ag mag-atubang sa grabeng stress.
Kinahangean nanda nga kumayod para mabuhi ro pamilya.
Gusto man nanda nga ipakita nga “macho” sanda ag ginatago ro kaeain it buot imbes nga ipaguwa raya.
Problema man sa mga eaeaki ro pag inom it aeak ag paggamit it droga.
Mag-eowas kara, mas nahadlok pa ro mga eaeaki nga magpa-check up rason nga grabe eon ro sakit antes nga magpa konsulta sa doktor.
Rason nga dapat nga engganyuhon it mga unga ro andang mga ama nga magpakonsulta sa doktor.
Ro ikamayad nga eawas ro pinakamanaming regalo naton kanda .
