Kasunod it pagpabaskog sa industriya it turismo matapos ro pandemya, nagpagsik man ro tourist arrival sa isla it Boracay.
Sa kamatuoran suno kay PLt.Col. Don Dicksie De Dios, hepe it Malay Municipal Police Station nga haeos nagasueonggaban eon ro mga turista, bisita ag bakasyunista sa front beach para eang makit-an ro famous nga sunset.
Uwa suno kana naganaba sa an-om nga libo ro mga turista nga nagasueod ag nagaguwa kada adlaw sa isla.
Uwa eon sigon it ginatawag nga “lala time” ukon pagtumal sa pag-aeabutan it mga bisita bangud nga maskin weekdays hay linibo ro crowd ag nagaabot pa it hasta sa 10,000 tourist arrival kon weekends.
Bangud kara, tanan nga instrumentalities it lokal nga gobyerno maging ro philippine national police ag iba pang law enforcement agency hay nagatrabaho ag nakaalerto para masiguro ro kaeowasan it mga bisita.
Ginpahayag dugang ni PLt.Col. De Dios nga maskin bukon it holiday hay buhos ro mga turista nga nagabakasyon sa Boracay eabi eon makaron nga summer season.
Visible ro gintingob nga pwersa it mga awtoridad sa tanan nga parte it isla eabi eon makaron sa ginaeauman nga pagdagsa it mga bakasyunista kasunod it Semana Santa
