Eubus nga nagakasubo makaron ro sambilog sa mga residenteng nasunugan nga si Paterno Masagnay.
Raya hay matapos nga pila eamang sa andang mga kagamitan ro nasalbar ag maskin ro gamit sa eskwelahan it anang mga onga hay sangkiri eamang ro andang nabakwit.
Si Masagnay hay tubong Brgy. Rosal, Libacao ag presenteng nagarenta it eogta ag nagpatindog it baeay sa Brgy. Tigayon, Kalibo.
Suno kana, aksidente ro nasambit nga sunog bangud nga bukon eamang it imaw ro naging biktima kundi maging ro iba pang panimaeay nga nagkaeaupos.
Sa nasambit nga lugar sanda nagpaaplikar agud nga maeapit sa eskwelahan ag sa banwa.
Apang, ro andang pangabuhian hay idto sa banwa it Libacao kon sa siin naga-uli eamang imaw idto kon nagabuoe it andang konsumo.
Kapin sa P50,000 pesos ro anang gindeklara nga danyos sa anang nasunog nga panimaeay.
