Ro pagtueog hay nagatau it nagkaeain-eain nga benepisyo sa eawas ag isip it sangka tawo.
Apang paalin kon ro pagtueog sa gabi-i hay bukon it bastante ag maayos?
Suno sa sangka pagtuon, kun pirmeng kueang sa tueog ro sangka tawo, pwede raya nga magaresulta sa maabung grabeng problema sa ikamayad nga eawas kapareho it sakit sa puso, mataas nga presyon it dugo, diabetes, stroke, sobrang tambok, depresyon ag maabu nga iba pa.
Agud nga makatueog it hamuok , hayra ro mga pwedeng obrahon.
Likawan ro pag-ilinisip, irelax ro kaugalingon antes nga matueog , kapareho it pagpaligos agud nga presko ro eawas.
Pwede man nga magbasa it libro samtang naga inom it gatas ag magpamati it mga relaxing music.
Ginalaygay man it mga eksperto ro pagpatay it iwag; pag-inom it kape; indi magtinan-aw sa oras ag taguon ro cellphone ; likawan nga magkatueog it mabuhay sa hapon ag magpangamuyo antes nga matueog.
Ro pagtueog hay pamaagi it sangka tawo agud nga makapahuway halin sa makagaea-oy nga adlaw it anang kabuhi.
Indi pagpasugtan nga pati ro pagtueog hay madisturbo pa it kun anu-anong ilisipon, problema ag distrakyon.
