Nagpahayag it pagkadismaya si Speaker Ferdinand Martin Romualdez may kaangtanan sa mga report nga gina-alegar pagka-eakot it daywang heneral it pulisya ag iba pang opisyal it Philippine National Police (PNP) sa isyung “cover- up” ukon paghana nga protektahan mga iregularidad amgot sa pagkompiska it kapin sa P6.7 bilyong haega it shabu ko 2022.
Suno pa kay Romualdez nga sa pihak it ginpatigayon nga maid-id nga imbestigasyon para matumod ro kamatuoran, dapat magpatuman it tikang para i reorganize ro drug unit it PNP.
Nauna eon nga ginpangaeanan ni Interior Sec. Benhur Abalos ro daywang police generals nga sanday Police Lt. Gen. Benjamin Santos ag P/Brig. Gen. Narciso Domingo ag pila pang matag-as nga police officers nga eakot sa paghana nga pag-cover-up sa naarestong si P/Master Sgt. Rodolfo Mayo Jr. nga nabue-an it 990 kilos it shabu nga nagabalor it P6.7 billion.
Gin-insister man it Speaker nga importante nga pamatian man ro pahayag ni PNP Chief Gen. Rodolfo Azurin angot sa isyu matapos maeakot ro anang pangaean sandig sa pahayag ni PLt.Gen. Santos.
