Amat-amat eon nga nagiging popular ro libro nga may titueong “The Compound Effect of our Money Habits” kon sa siin ro author kara hay sangka overseas Filipino worker nga si Jenny Obonan, tubong Sagada, Mountain Province apang presenteng nagatrabaho sa nasyon it Cyprus.
Suno kana, nakabaehag sa nasambit nga libro ro anang eksperyensya eabi eon kat na-scam imaw sa investment nga gintanyag kana nga nagsakripisyo imaw it haeos pitong dag-on.
Mag-eowas kara, makata-o man raya it tips sa mga indibidwal nga gustong iinvest ro andang kwarta sa pang mabuhayan nga investment eabi eon ro mga retiree.
Ginpaathag dugang nga sa raya man nga libro hay masayuran kon paano kita mag-isip pag-abot sa financial nga aspeto.
Ro nasambit nga libro hay amat-amat eon nga nakikilaea sa mga rehiyon sa nasyon nga imaw mismo ro nagsueat nga base man sa anang naging eksperyensya.
