KALIBO, Aklan—Haum eon ro Aklan Police Provincial office (APPO) para sa pagahimuon nga deployment ag igapatuman nga seguridad sa ikaywang State of the Nation Address (SONA) ni Pangueong Ferdinand Marcos Jr. sa Hulyo 24.
Suno kay PSSgt. Jane Vega, tagapaghambae it APPO nga may mandato sanda nga tutukan ro maximum preparedness.
Prayoridad sigon nanda nga mapabilin ro seguridad it okasyon, maging matawhay ro daeagan it daeanon ag ro kaeuwasan it mga biyahero.
Dugang pa kara may una sanda nga aktibong Civil Disturbance Management (CDM) team nga nakastandby sa adlaw it SONA ag haum nga ideploy anumang oras.
Eauman man sigon ro pagpatrolya it Provincial Mobile Force Company kamana man nga ro tanan nga Municipal Police Station kaibahan ro SWAT team hay may tagsa-tagsa man nga trabaho.
