KALIBO, Aklan—Napahanga it sangka Aklanon chef ro mga pumueoyo matapos nga nakata-o raya it inspirasyon sa anang mga content nga ginahimo.
Si Neil Banares it Manchester, United Kingdom hay kilaea bilang cooking Ama kon sa siin mag-eowas sa anang pagiging padre de pamilya hay nagapasadya pa raya it mga tumaean-aw sa anang social media account.
Suno kana, bukon it madali ro pagiging overseas Filipino worker apang sa bulig it mga tawo nga nakapalibot kana hay naging content creator imaw nga amat-amat eon nga nakikilaea sa kalibutan it makabag-ong teknolohiya.
Sa edad nana nga 46-anyos hay naenjoy nana ro pagiging content creator eabi eon nga nakit-an nana nga maabo ro anang mga supporters ag isaea eon dikara ro anang pamilya rason nga mas eabi pa gid imaw nga nainspire nga padayon ro anang ginahimo.
Tuyo sigon nana sa pag-angkon it extra income nga maabo pa gid ro anang mabuligan.
