KALIBO, Aklan — Nag-apela it suporta si Kalibo Mayor Juris Sucro kay Pangueong Ferdinand Marcos Jr. nga suportahan ro anang ginaduso ag ginahandom it tanan nga maging syudad ro banwa it Kalibo.
Raya hay kasunod sa pag-abi-abi it alkalde sa punong ehekutibo kat ginpangunahan nana ro distribusyon it bugas sa mga benepisyaryo it 4P’s sa Aklan.
Mag-eowas kara, gin-imbitahan man ni Mayor Sucro ro presidente nga bumalik it uman sa Kalibo agud nga magtambong sa Kalibo Sto. Niño Ati-atihan Festival 2024 sa buean it Enero nga ginakabig man nga Mother of All Philippine Festival.
Nasayuran nga nag-umpisa eon kahapon nga adlaw it Biyernes ro tatlong adlaw nga opening salvo para sa 2024 Kalibo Ati-Atihan Festival nga ro pinakahighlight hay makaron nga adlaw it Sabado kon sa siin magapasundayag ro kapin sa 74 ka mga grupo ag tribu kaeakip eon ro masobra sa 2,000 ka mga drummers.
