KALIBO, Aklan—Uwa it nailista nga maritime incident kaparehas it pagkaeomos ukon aksidente sa kaeawran ro Philippine Coast Guard ukon PCG sa pihak it influx it mga bakasyunista ag turista sa isla it Boracay ag sa iba pang tourist destination sa bilog nga probinsya it Aklan sa tyempo it Semana Santa.
Suno kay Coast Guard Lieutenant Junior Grade John Laurence Banzuela, commander it coast guard station Aklan nga kabilugan nga naging madinaeag-on ro ginpatigayon nga Oplan Byaheng Ayos: Semana Santa 2024 sa tanan nga areas nga may deployment ro PCG.
Naging matawhay man suno kana ro pagsiulian it libo-libong mga bakasyunista nga ginakaeakipan it domestic ag foreign tourist.
Sa ibang kabanwahanan suno kana hay nabantayan man it husto ro mga baybayon kapin eon ko adlaw it dominggo kon sa siin maabo ro mga nag-excursion.
Sa makaron suno kay Banzuela hay nagapadayon ro andang monitoring ag pag-inspeksyon sa mga sakayang pandagat para sa kaeowasan ag seguridad it mga byahero.
