POLICE Report — Sangka dating security guard ro nag-amok matapos nga gina-alegar nga nasangagan sa busina sa Divisoria sa Manila.
Sa viral video, makitang gina-eagas it bayo it dating security guard ro sangka eaeaki.
Pauman-uman man nana nga gintumba ro motorsiklo it eaeaking naka-away.
Base sa report, nag-umpisang magpang-ayat it away sa Divisoria ro suspek matapos sigon nga masangagan sa busina.
Ginsaysay it suspek, nakasakay imaw it jeep, kun sa siin sigidas sigon ro pagbinusina it eaeaking sakay it motorsiklo rason nga ginpuna nana raya.
Naakig ro eaeaki nga anang ginsaway ag gin-ayat imaw it inaway.
Makita man sa video nga may pulis nga rumesponde sa gulo apang ginhana pa it suspek nga agawon ro anang baril.
Kat gina-posasan eon imaw it pulis hay ginhana man nana raya nga baywon rason nga ginkabuligan eon imaw nga bugbugon it mga tawo.
Pag-abot sa presinto hay naging agresibo gihapon sa mga pulis ro suspek ag ginhana pa nga magpamila.
