POLICE Report — Sangka Korean national ro nakit-an nga patay sa sueod it anang gina-rentahan nga apartment matapos nga owa naka-abot sa anang naka-schedule nga paghampang it golf sa Silang, Cavite.
Suno sa report, ginadudahan nga may pilang oras eon nga patay kat nasapwan ro biktimang si Seon Jun Baek, 67, may-asawa naga-istar sa Jaycee Business compound apartments sa Brgy San Vicente 2, it nasambit nga banwa.
Base sa personal nga caddie it biktima, bandang alas-11:30 it agahon hay nangawa imaw kat owa pa naka-abot sa anang pang-agahon nga hampang it golf sa Riviera Golf Club ro biktima rason nga gintawagan nana raya apang owa man nagasabat rason nga napilitan imaw nga agtunan kara sa anang gina-istaran nga baeay.
Nasayuran nga pag-abot it caddie sa baeay it biktima, sarado raya rason nga nagpangayo imaw it bulig sa anang landlord nga buksan ro pwertahan it baeay.
Dikara hay nakita nanda ro owa eon it kabuhi nga biktima.
Nagpaidaeum sa head surgery ro biktima ag ginatumod pa kon may kaangtanan raya sa anang pagkamatay.
