POLICE Report — Arestado ro 26 nga kaeaeakin-an matapos madakpan sa aktong nagapatigayon it ilegal nga bueang ukon “pauwak” sa banwa it Pavia sa Iloilo City.
Base sa report it Pavia Police Station, nakabaton sanda it report angot sa ilegal nga bueang sa sangka compound sa Barangay Pandac it nasambit nga banwa.
Sa pagresponde it mga awtoridad sa nasambit nga lugar hay naabutan nanda ro masobra sa 100 nga katawo sa ilegal nga bueangan ag 26 sa mga raya ro nadakpan.
Narekober sa lugar ro kapin sa 15 nga manok nga pangbueang, daywang improvised cockfighting rings, ag P10,000 nga taya.
Ginpahayag dugang it Pavia Municipal Police Station, nga owa it cockpit arena sa lugar ukon registered cockpit rason nga tanan nga ginapatigayon nga bueang hay makabig nga ilegal.
Ro mga nadakpan nga suspek hay magapangatubang sa kasong pageabag sa Presidential Decree 1602 ukon illegal gambling.
