POLICE Report — Patay ro sangka eaeaking rider samtang padayun nga gina-obserbahan sa ospital ro anang angkas matapos nga makabungguan kara ro sangka pampasaherong bus kat mag-counterflow sa kahabaon it Soriano Highway, Tanza, Cavite.
Suno sa report, ginatumod pa ro pagkatawo it biktima nga dead on the spot nga ginaboeobanta nga naga-edad it 25 hasta 30 anyos nga nagamaneho it sangka Yamaha nga may plakang 6734VP samtang ro anang angkas nga sangka eaeaki hay ginaboeobanta man nga naga-edad it 18-25 anyos nga gindaea sa Tanza Doctors Hospital.
Nakilaea mat’a ro driver it ATA Liner bus nga may plakang NDZ 6500 nga si alyas Renato, 42- anyos nga residente it Brgy. Poblacion 1, Ternate, Cavite.
Base sa ginpatigayon nga imbestigasyon it kapulisan, bandang alas-4:10 it aga-aga samtang ginabiyahe it driver it ATA Liner bus ag driver it motorsiklo ro nasambit nga highway kun sa siin paagto sa direksiyon it Tanza proper ro bus ag ro motor hay kaibahan sa direksyon nga paagto sa Naic, Cavite.
Ginhana sigon it driver it motorsiklo nga mag-counter flow ag gin-okupahan ro pihak nga lane rason nga bumunggo sa pampasaherong bus.
Bangud sa insidente, namatay sa gin-eontaran it aksidente ro driver it motorsiklo samtang ro anang angkas hay presenteng gina-obserbahan sa ospital.
