POLICE Report — Kulong ro daywang manugpakalimos matapos nga baywon ag martilyuhon sa ueo ro 56-anyos nga mister nga nagsita sa andang gina-obra nga pagsiga-sigaan sa sangka baraka sa Valenzuela City.
Suno sa report, nagapangatubang sa kasong attempted murder ro mga suspek nga sanday alyas ‘Castro’, 35, it Hagonoy, Bulacan, ag alyas ‘Boduso’, 27, it Muzon, San Jose Del Monte, Bulacan.
Sa pahayag it biktimang si alyas “Romy” it Brgy. Malanday, nataeupangdan nana nga nagasiga-sigaan ro mga suspek sa kilid it anang baraka sa kanto it Libiran St., McArthur Highway, rason nga ginsita nana ro mga raya.
Apang pagkatalikod it biktima, gulpi imaw nga ginbayo sa likod ni alyas Boduso samtang nagbo-oe mat’a si alyas Castro it martilyo ag ginsampok sa ueo si alyas Romy.
Sangka concerned citizen ro nagpangayo it bulig sa Dalandanan Police Sub-Station 6 rason nga insigidang ginmanduan ro mga pulis nga nagapatrolya maeapit sa nasambit nga lugar nga respondehan ro insidente.
Dikara hay naaresto ro mga suspek ag nakumpiska kanda ro gingamit nga martilyo sa pagsampok samtang gindaea ro biktima sa Valenzuela Medical Center para mabueong ro naangkon nga nina sa ueo.
