KALIBO, Aklan—Uman nga ginpadumdum it lokal nga gobyerno it Malay ro publiko nga bawae ro pagpatigayon it mga party ag mabaskog nga tukar sa Isla it Boracay sa maabot nga Biyernes Santo.
Base sa memorandum order nga ginpirmahan Malay Mayor Frolibar Bautista, indi sanda maga-isyu it permits para sa pagpatigayon it mga parties ag iba pang mga aktibidad nga may mabaskog nga music umpisa alas-6:00 it agahon it Good Friday, April 18, 2025 hasta alas-6:00 it agahon it Black Saturday, April 19, 2025.
Raya hay sandig sa Sangguniang Bayan Resolution No. 15 series of 2009.
Ginmanduan kara man kara ro Business Permits and Licensing Office nga indi magtau it special permit para sa pagpatigayon it mga party sa Boracay sa Good Friday.
Makaangkon it mahabang weekend makaron nga Holy Week ro mga Pinoy nga maga-umpisa hin-aga matapos nga ginpasugtan it Malakanyang ro pagpatuman it mga taeatapan it gobyerno i t work from home setup umpisa alas-8:00 it agahon hasta alas-12 it udtro adlaw ag suspendihon ro trabaho pagka-hapon it Holy Wednesday hasta Good Friday.
Parehong regular holidays ro Huwebes Santo ag Biyernes Santo.
