Ginahaead it Ilongga beauty queen nga si Alexie Brooks sa Miss Eco International 2025 competition makaron nga adlaw it Dominggo, Abril 20 nga ginpatigayon sa Alexandria, Egypt ro anang kadaeag-an sa anang namatay nga lola nga si Lola Basing.
Sa social media, ginpakigbahin ni Alexie ro litrato it anang lola samtang una sa TV screen ro anang crowning moment ag may caption nga “Lola! I made it”.
Namatay si Lola Basing ku Setyembre 2024.
Maeapit si Alexie sa anang lola nga nag-alaga kana samtang ro ina hay nagatrabaho bilang OFW sa Lebanon.
Ku kan’o eamang hay nagsueat man imaw it mensahe para sa kaadlawan it anang lola ku Abril 16.
Mag-euwas sa korona, nakuhit man ni Alexie ro Best in National Costume para sa anang Philippine Eagle-inspired outfit nga dinisenyo ni Tata Pinuela.
Raya eon ro pangatlong Miss Eco International crown para sa Pilipinas, kasunod nanday Cynthia Thomalla (2018) ag Kathleen Paton (2022).
