POLICE Report – Sangka 17-anyos nga dalagita halin sa Roxas, Palawan nga si Aurora ro napilitang igaid it anang pamilya bangud sa kondisyon nga ginakaon kara ro anumang mabuytan kaibahan ro mga dingding ag saeog.
Bangud kara, nakaangkon imaw it grabeng malnutrisyon ag pisikal nga kahalitan.
Suno kay Marialyn, ina ni Aurora, napilitan sanda nga igaid ro andang unga agud nga malikawan raya nga magkaon it mga bagay nga bukon it pagkaon.
Ro anang igmanghud nga si Ethan ro naga-alaga kana samtang padayun nga naga-eskwela ag nagahandum nga maging doktor.
Suno sa mga doktor, ro kondisyon ni Aurora hay posibleng may kaangtanan sa psychosis ag may mga posibleng diagnosis nga neurodevelopmental disorder, schizophrenia, ag pica, sangka kondisyon kun sa siin nagakaon it mga bagay nga owa it nutrisyon.
Nataw-an eon imaw it atensyong medikal ag presenteng ginabueong para sa malnutrisyon sa ospital sa Puerto Princesa.
Nagabulig ro mga lokal nga awtoridad ag health professionals sa andang pamilya, ag ginaeauman nga magapadayun ro pagmayad ni Aurora sa baeay nga indi eon kinahangean nga iga-id pa.
