Uman nga napa-iba ro Pilipinas sa listahan it 10 “worst countries” para sa mga trabahador, suno sa 2024 Global Rights Index it International Trade Union Confederation (ITUC) nga ginpaguwa kahapon, adlaw it Byernes, Hunyo 6, 2025.
Raya ro pang-siyam nga sunod nga dag-on nga napa-iba ro nasyon sa listahan ngara.
Nagpahayag it pagkabaeaka ro nagkaeain-eain nga labor groups kapareho it Kilusang Mayo Uno, Unyon ng mga Manggagawa sa Agrikultura, National Federation of Sugar Workers, Alliance of Concerned Teachers, ag Migrante Philippines, kaibahan ro iba pang unyon ag organisasyon para sa kinamatarong it mga trabahador.
Kaibahan man sa nasambit nga listahan ro Bangladesh, Belarus, Ecuador, Egypt, Eswatini, Myanmar, Nigeria, Tunisia, ag Turkey.
Suno sa report, nagapanguanang ginaeabag sa Pilipinas ro mga kinamatarong it mga trabahador kapareho it kinamatarong nga magwelga, collective bargaining, pagbilog ukon pag-intra sa union, ag kinamatarong sa hustisya.
Bilang sabat, ginpahayag ni Labor Secretary Bienvenido Laguesma nga uwa ginasa-alang-alang it report ro mga pagpanikasog it administrasyon para sa mga trabahador.
Kun minatuod sigon nga sambato ro Pilipinas sa pinakamaeain, uwa raya ginilihir bilang miyembro it International Labour Organization Committee on Freedom of Association ku nagtaliwan nga dag-on.
