BORACAY, Island — Masobra sa 109,000 nga turista ro nagbakasyon sa Isla it Boracay sa unang 15 diyas it makaron nga buean it Hunyo 2025.
Base sa datos halin sa Malay-Boracay Tourism Office, kabilugan nga 109,079 nga turista ro nagbisita sa Boracay umpisa Hunyo 1 hasta 15, 2025.
Sa nasambit nga numero, kabilugan nga 99,278 ro domestic tourists samtang 1,192 ro Overseas Filipino Workers (OFWs), ag 8,609 ro foreign tourists.
Ginaeauman sigon it Local Government Unit it Malay ro pagnaba it numero it mga bakasyunista umpisa sa mga buean it Hunyo hasta Oktubre bangud sa Habagat ukon southwest moonsoon season.
Raya hay bangud sa pag-angkon it sigidas nga uean, maeamig nga tiempo ag mabaskog nga humbak sa kadagatan kun sa siin bukon it angay ag bagay sa pagbiyahe it mga turista ag pagpatigayon it mga sea sports activities sa isla.
Sa pihak kara, may mga bakasyunista gihapon nga nagasueod sa Boracay sa makarondaya nga paniempo eabi eon ro mga gustong mag-avail it mas barato nga hotel packages ag mas sangkiri nga crowd ukon tawo.
Nasayuran nga ko mayo 1 hasta 31, nakalista ro malay tourism office it tourist arrivals nga naga-abot sa 222,952 .
