KALIBO, Aklan—Magapatigayon it inspection sa mga kapulisyahan nga sakop it Aklan Police Provincial Office ro National Police Commission ukon Napolcom region VI.
Suno kay P/MSgt. Jane Vega, tagapaghambae it Aklan PPO, magalibot ro Napolcom officers sa tagsa ka municipal police station sa bilog nga probinsya it Aklan agud nga mag-inspection sa mga personnel, kagamitan ag iba pa.
Engkaso suno kana nga may makit-an nga saea hay may kaakibat raya nga consequence sa bahin it PNP personnel.
Raya hay regular duty it Napolcom nga mag-inspection kon una sa tama ag eksakto ro mga police officers kaparehas kon sanda hay neat and clean, uwa nagasuksok it faded uniforms, maayos ro service firearms ag iba pa.
Ro Napolcom suno kana ro organisasyon nga nagasikyar sa mga kapulisan kon sanda hay disiplinado, maayos nga nagatrabaho ag nagasunod sa mandato it Philippine National Police.
