Nagapabilin nga eowas ro mga Pinoy sa naaminhan nga bahin it Israel sa tunga it nagapadayon nga tensyon nanda it nasyon it Iran kon sa siin ro punterya it mga missiles attacked hay ro kabisera nga Tel Aviv.
Apang maskin nga maeayo sa kabisera it Israel, ginpahayag ni Bombo International News Correspondent Glenn Repollo nga nakaalerto gihapon sanda sa kada magtunog ro sirena.
Maskin sa trabaho hay ginasikyar gid it mga raya ro andang kaugalingon pinaagi sa pagsueod sa bomb shelter bangud sa nababatian nanda sa andang lugar ro pagsigabong sa kada magtugpa ro missiles nga inde maintercept it iron dome.
Ro manami suno kana sa teknolohiya it Israel hay naga alarm ro system it kapin sa 20 minutos bago tumugpa ro missile rason nga may oras pa para makasueod sa bomb shelter.
Ginakabaeak-an man it mga raya nga base bukon eamang it kabisera ro pagapunteryahon it Iran bangud sa nagalala eon ro pagbaeayluhan it mga pag-atake sa tunga it daywang nasyon.
Ko una nga gyera suno kana sa tunga it Israel, hamas ag Hezbollah hay andang lugar ro punterya it mga missiles rason nga permi sanda nga nakaalerto daea ro pangamuyo nga pangapinan ro mga raya ag maging eowas sa tunga it gyera.
