Tatlong ka indibidwal eon man ro nasakote it pulisya sa ginpatigayon nga drug buy-bust operation sa Brgy. New Buswang, Kalibo.
Base sa report, si Roquelino Roldan “alyas Toktok”, 44-anyos ag residente it nasambit nga lugar ro subject it operasyon nga ginpatigayon it Philippine Drug Enforcement Agency ukon PDEA kabulig ro Philippine Drug Enforcement Unit ukon PDEU Aklan ag Kalibo Municipal Police Station apang may daywang ka indibidwal nga naaktuhan sa area nga posibleng nagagamit ro mga raya it illegal nga droga bangud sa mga narekober nga drug paraphernalia.
Ro daywa hay nakilaea nga sanday Danny Carillo Leyson, 55-anyos it Brgy. Bulwang, Numancia ag Raymond Hilario Requiola, 39-anyos it Brgy. New Buswang, Kalibo.
Sa naging operasyon it operatiba, nabak-ean si Roldan it poseur buyer it sangka sachet it suspected shabu kabaylo it P25,000 pesos nga marked money.
Sa pagbody search sa drug suspek, narekober dugang ro waeong bulto it suspected shabu nga nakasueod individually sa sachet.
Si Roldan hay posibleng magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002.
