Nagbuhos it puntos ro Indiana Pacers para sa Game 6 it NBA Finals.
Ginlampaso nanda ro Oklahoma City Thunder sa score nga 108-91, rason nga napwersa ro sangka winner-take-all Game 7 para sa kampeonato.
Sa pihak it mahinang umpisa, bumawi ro Pacers pinaagi sa grabeng depensa ag sunod-sunod nga puntos halin kanday Obi Toppin ag Pascal Siakam, nga nagtapos it first half sa sangka poster dunk ag buzzer-beater.
Nag abot sa 22 puntos ro abanse it Indiana sa halftime, ag owa eon nanda raya ginbuhian.
Sa pagtapos it third quarter, 90-60 eon ro score pabor sa Pacers, ro pinakamanabang puntos it Thunder sa tatlong quarters makaron nga season.
Ro Game 7 hay pagahiwaton sa Oklahoma City, kun sa siin ro parehong koponan hay sangka hampang eon lang ro kinahangean halin sa ginahandum nga kadaeag-an.
Raya hay sangka makasaysayang hampang bangud nga raya ro ika-20 sa Game 7 sa kasaysayan it NBA Finals.
