Naghina ro peso sa P57.45 kumpara sa dolyar, ro pinakamahina nga lebel umpisa ko buean it Marso 26, 2025 suno sa Bankers Association of the Philippines (BAP).
Posible suno sa mga ekonomista nga magapabilin nga mahina ro piso bangud sa tensyon sa Middle East ag Europe, kapareho it nagapadayon nga giyera sa tunga it Israel ag Iran.
Sa pihak nga owa raya ginaeauman nga may mabahoe nga epekto sa inflation, posible raya nga makaapekto sa kita it mga exporter ag sa sektor it manufacturing.
Sa pihak nga parte, ro Purchasing Managers Index (PMI) it nasyon hay nagnaba man sa 50.1 ko Mayo, halin sa 53 ko Abril, nga nagapakita it paghina it performance it mga pabrika sa nasyon.
Nagpaandam man ro mga ekonomista nga posible magbaha ro produkto it China sa Pilipinas bangud sa bag-o nga taripa nga ginpatuman it U.S., nga posibleng makahalit sa lokal nga produksyon ag trabaho.
Apang, ro pagnaba it balor it piso hay makabulig man sa mga local exporters ag trabahador.
Samtang, nagapati man ro pilang mga ekonomista nga temporaryo eamang ro pag-euya it piso ag ginaeauman nga magabaskog it uman sa pagdagsa it remittances halin sa overseas Filipino workers makaron nga school year ag sa paeaabuton nga holiday season.
