Kapin sa 21% ro ginnaba it kaso it dengue sa bilog nga probinsya it Aklan nga nailista halin ko buean it Enero hasta ko Hunyo 14 it presenteng dag-on kon ikumpara sa nagtaliwan nga dag-on.
Raya hay matapos nga nakalista eamang it 472 nga kaso makaron nga period kon ikumpara ko nagtaliwan nga dag-on nga umabot sa 595 cases.
Suno kay Roger Debuque, Health Program Officer II ag Dengue Program Coordinator it Aklan Provincial Health Office, nagapanguna gihapon sa listahan it may mataas nga kaso it tinamaan it dengue ro banwa it Ibajay nga nakalista it 129 nga kaso; ginasundan it munisipalidad it Malay nga may 74 cases; banwa it Nabas nga may nga 50 nga kaso ag munisipalidad it Kalibo nga may 48 cases.
Sa makaron suno kana nga nagsueod eon ro panyempo naton sa rainy season, padayon ro andang kampanya kontra dengue eabi eon ag nagbukas eon ro klase para sa school year 2025-2026 kon sa siin uwa it ginapili nga edad ro maangkit it eamok nga nagadaea it virus nga dengue.
Bangud kara, hugot ro andang padumdom sa publiko nga magpanglimpyo sa palibot agud nga inde pagtiniran it eamok ag ipractice gid ro 5โS strategy nga ginakaeakipan it ๐๐๐๐ง๐๐ ๐๐ฃ๐ ๐ฟ๐๐จ๐ฉ๐ง๐ค๐ฎ ๐๐ค๐จ๐ฆ๐ช๐๐ฉ๐ค ๐ฝ๐ง๐๐๐๐๐ฃ๐ ๐๐๐ฉ๐๐จ, usuyon ro mga posibleng pangitlogan it eamok ag samaron; ๐๐๐๐ช๐ง๐ ๐๐๐ก๐ ๐๐ง๐ค๐ฉ๐๐๐ฉ๐๐ค๐ฃ, maggamitย it mahaba nga eambong ukon magsuksok it pajama kamana man maggamit it mga mosquito repellant lotions; ๐๐๐๐ ๐๐๐ง๐ก๐ฎ ๐พ๐ค๐ฃ๐จ๐ช๐ก๐ฉ๐๐ฉ๐๐ค๐ฃ, kon may sintomas kaparehas it eagnat, ubo ag iba pa hay magpakonsulta eagi, ๐๐ช๐ฅ๐ฅ๐ค๐ง๐ฉ ๐๐ค๐๐๐๐ฃ๐ ๐๐ฃ๐ ๐๐ฅ๐ง๐๐ฎ๐๐ฃ๐ ๐๐ฃ ๐๐ค๐ฉ๐จ๐ฅ๐ค๐ฉ ๐๐ง๐๐๐จ sa mga lugar nga mataas ro kaso it dengue; ag ๐๐ช๐จ๐ฉ๐๐๐ฃ ๐๐ฎ๐๐ง๐๐ฉ๐๐ค๐ฃ kaparehas it pag-inom it maabong tubi para mahydrate ro eawas.
