IBAJAY, Aklan — Padayun ro ginahimo nga plate distribution it Land Transportation Office (LTO) Western Aklan District Office sa banwa it Ibajay bilang sabat sa direktiba ni Pangueong Ferdinand Marcos Jr., ag Department of Transportation nga mapadasig ag mapa-eumo ro pagpanupod it mga plaka.
Suno kay LTO Western Aklan District Office Chief Bam Molo Tabella nga nakikipag-angot sanda sa mga LGU’s para sa pagpatigayon it plate distribution activity.
Sa banwa it Tangalan ko nagtaliwan nga adlaw hay makabig nga record breaking ro mga madinaeag-on nga nakabo-oe it andang mga plaka matapos nga umabot raya sa 1,084 sa sueod eamang it sang adlaw.
Angot kara, panawagan nanda sa mga motorista sa banwa it Nabas nga may andang pagahimuon nga kaparehong aktibidad, adlaw it Martes.
Pilang motorista man ro andang nabuligan sa pag-track it status it andang mga plaka gamit ro LTOTracker.com.
Magapadayun pa sigon ro andang makarondaya nga mga inisyatiba it ahensya sa nagkaeain-eain nga banwa ag barangay sa andang nasakupan bilang kaparte it adbokasiyang mapaeapit ro serbisyo sa pumueuyu.
LTO Western Aklan District Office Chief Bam Molo Tabella
