KALIBO, Aklan — Nagapanawagan ro simbahang katolika nga likawan ro masyadong komersiyalisasyon ag turismo sa kapistahan ni Sr. Sto. Niño de Kalibo bangud nga nagakaduea ro Kristiyanong espiritu it selebrasyon.
Suno kay Fr. Justy More, chancellor it Diocese of Kalibo nga mas ginataw-an it atensyon ro business aspect it aktibidad kaysa sa matuod kara nga religious significance.
Mas naga inabu suno kana ro commercialism sa festival kun sa siin naga abot sa punto nga matsa nagiging tourist attractions eon lang raya sa baylo nga ro selebrasyon hay nakabase sa anang orihinal nga konsepto ag kahueugan it okasyon.
Dapat suno kana nga taw-an it mabahoe nga atensyon ro pagpasidungog sa patron it banwa it Kalibo.
Ginpahayag dugang nga makarondaya man ro nagakatabu kada Paskwa, kun sa siin ro nagiging bida hay si Santa Claus imbes ro kaadlawan ni Jesus Christ.
Samtang, apela ni Fr. More sa mga deboto ni Sr. Sto. Niño nga taw-an it haega ag protektahan ro orihinal nga katuyuan it selebrasyon agud nga indi mabawasan ro debosyon sa Batang Hesus ag magaresulta eamang sa aktibidad nga pangturismo.
