Bukon eamang it inumok ro inapok sa boxing ring sa Madison Square Garden kundi pati man ro wig it heavyweight contender nga si Jarrell “Big Baby” Miller.
Sa tunga it mainit nga bakbakan kontra kay Kingsley Ibeh, nakasamit it sunud-sunod nga bayo sa ueo si Miller rason nga umalsa ag napaeos ro anang hairpiece.
Sa baylo nga mapahuya, ginhibaygan eon lang raya it 37-anyos nga boksingero.
Ginpueot nana ro peluka sa saeog it ring, ginhaboy sa audience, ag nag-astang matsa nagdaog antes nga nagbalik ag uman nga sumabak sa bakbakan.
Ginpaathag ni Miller sa post-fight interview, aksidente nana nga nagamit ro shampoo nga may ammonium bleach sa baeay it anang ina daywang adlaw antes ro anang away.
Naupaw sigon ro anang matuod nga buhok rason nga napilitan imaw nga magsuksok it wig.
Sa ulihi, nagdaog gihapon si Miller via split decision.
Ro anang peluka man hay naging instant celebrity kun sa siin ginpasa-pasahan raya it audience ag nakita pang buyot it ibang boksingero kapareho nanday Fabio Wardley ag Skye Nicolson para sa souvenir photos.
