KALIBO, Aklan — Ginpamunuan ni Aklan 1st District Congressman Jess Marquez ro Technical Working Group para sa “No Call, No Text Registration System Act.
Suno kana nga mapuslanon ro nasambit nga proposed bill bangud eapnaag makaron ro nagkaeain-eain nga scam.
Sa tiempo nga padayun sigon nga nagatuga it paeag sa pagsalig ag kaeowasan it publiko ro mga scam nga tawag, spam nga mensahe, ag digital nga pagpangloko, ginduso nanda ro proposisyon nga “No Call, No Text Registration System Act.”
Nagtambong ag nagpahayag it bilog nga suporta sigon kara ro mga representante halin sa mga importanteng ahensiya sa teknolohiya ag komunikasyon kapareho it Department of Trade and Industry (DTI), National Privacy Commission (NPC), National Telecommunications Commission (NTC), ag National Bureau of Investigation (NBI), pati man ro nagkaeain-eain nga telecommunications company.
Nagabuylog sigon ro mga raya sa katuyuan nga protektahan ro mga konsumidor, responsableng paggamit it teknolohiya, ag ibalik ro tiwala sa pang-adlaw adlaw nga komunikasyon.
Ro nasambit nga hagna kaibahan ro bulig it publiko hay nagapakita it sangka natiempo ag matibay nga tikang paagto sa mayad nga paeaabuton kun sa siin ro teknolohiya hay matuod nga magaserbisyo sa mga pumueuyu nga eowas, masaligan ag may saeabton .
