Sa ikaywang kahigayunan hay uman nga nagpatigayon it inter-agency critique session angot sa mga nakataeanang aktibidad it ASEAN sa Isla it Boracay.
Raya hay ginpangunahan it Police Regional Office 6 ukon PRO6, kun sa siin, gintalakay it Task Group ASEAN 2026 Boracay, kaibahan ro nagkaeain-eain nga ahensya it gobyerno, ro mga tikang sa seguridad, pagpahaum sa posibleng paeag, daeagan it paniempo ag ro iskedyul it pagpanaw it mga delegado.
Ginpamunuan ni PRO6 Regional Director PBGen Josefino D. Ligan ro pueong kaibahan ro iba pang opisyal it PNP ag representante halin sa nagkaeain-eain nga ahensya it gobyerno ag lokal nga gobyerno.
Ginpamilit ni PBGEN Ligan, importante ro padayun nga koordinasyon it mga ahensya agud nga masiguro ro kaeowasan it mga delegado ag madinaeag-on nga pagpatigayon it mga aktibidad it ASEAN 2026.
Owa man sigon it nailistang insidente sa seguridad sa nasambit nga aktibidad.
