-- ADVERTISEMENT --
Ginakabaeak-an it World Health Organization (WHO) ro ginpatigayon nga pag-atake it Israel sa oil facilities it Iran.
Suno kay WHO chief Tedros Adhanom Ghebreyesus, may unang negatibong epekto raya sa ikamayad nga eawas eabi eon sa mga onga ag sa mga may edad eon.
Sambilog sa mga ginhalimbawa nana hay may kahigayunan nga ma-contaminate ro andang pagkaon, tubi ag maging ro hangin.
Madumdumang ginkumpirma it Iran nga tinamaan ro pilang oil facilities nanda sa Tehran ag kaeapit nga probinsiya nga Alborz nga ginpunterya it gintingob nga puwersa it US ag Israel.
Nagbaeos mat-a ro Iran kon sa siin naglunsar sanda it mga missiles ag drones ag ginpunterya ro mga pilang energy infrastructures sa maeapit nga Arab Gulf states.
-- ADVERTISEMENT --
