Tyempo eon gidman agud nga suspendihon ro fuel excise tax bangud nga base sa TRAIN Law, kon umabot sa $80 per barrel sa pangkalibutanong merkado ro presyo it langis hay uwa eon sigon it dapat nga paligoy-ligoy pa bangud sa mabatyagan it pumueoyo ro mabug-at nga epekto kara.
Raya ro naging opinyon it sangka Aklanon lawyer nga si Atty. Axel Gonzales matapos nga ginertipikahan ni Pangueong Ferdinand Marcos Jr bilang urgent ro hagna nga ginapasugtan imaw nga isuspende ukon buhinan ro excise tax sa mga produktong petrolyo.
Ginpaathag dugang ni Atty. Gonzales nga kon daeayon nga masuspinde ro fuel excise tax hay may posibilid nga magapabilin ukon maganaba pa sa P80 pesos kada litro ro presyo it diesel ag iba pang produkto.
Kadungan kara hay magahagan-hagan man ro epekto sa presyo it mga nagapangunang baeak-eon sa merkado.
Nagakadapat man suno kana nga eagi raya nga maipasa bangud nga inde masayran kon hasta san-o ro naeksperyensyahang krisis sa Middle East nga nagatao it halit sa ekonomoya it nasyon.
Engkaso nga maipasa eagi ro nasambit nga hagna hay posibleng inde eon magsikad ro presyo it langis ag maging stabilized eon ro presyo it krudo sa nasyon.
