BORACAY Island — Kadungan it pagselebrar it Eid’l Fitr, ginpatigayon ro kauna-unahang Hari Raya Festival sa Boracay Newcoast Convention Center ko adlaw it Sabado, Marso 21.
Ginpangunahan it Department of Tourism ag Megaworld Hotels and Resorts, tampok sa selebrasyon ro mga performance, eksibit, bazaar, ag halal food festival nga nagapakita it kultura ag tradisyon it mga Muslim.
Suno sa mga opisyal, tuyo it hitabo nga pabaskugon ro imahe it Boracay bilang sangka destinasyong bukas sa nagkaeain-eain nga pananampalataya ag kultura, kapin eon para sa nagabahoe nga Muslim tourist market.
Kaibahan sa mga tampok ro lantern lighting nga nagarepresentar sa nagkaeain-eain nga Muslim ethnolinguistic groups ag ro Halal Gastronomy Festival nga nagpakita it mga pagkaon halin sa Mindanao.
Sa makaron, may 63 nga Muslim-friendly accommodations eon sa nasyon, bilang kaparte it pagtinguha nga mas inklusibo ag komportable ro turismo para sa mga Muslim nga bisita.
