Pilang mga menor de edad nga nadakpan sa pag-eabag sa curfew sa Kalibo,  eakot sa mga insidente it panakawan

KALIBO, Aklan — Ginkustodiya it mga awtoridad ro pilang menor de edad bangud sa pag-eabag sa curfew ordinance it banwa it Kalibo.

Ro pila sa mga raya hay natukiban nga eakot sa mga paeanakawan ag kinagamo nga nadakpan sa akto nga nagawinarang sa dis-oras it gabi-i.

Gindaea it kapulisan ag  barangay ro mga menor de edad sa police station.

Dikara sanda gin-proseso  ag ginpatawag man ro andang mga ginikanan.

Base sa ordinansa it LGU-Kalibo,  bawae ro mga pamatan-on sa guwa it andang  mga baeay umpisa 10 p.m. hasta 4 a.m. mag-eowas eon lang kun may valid nga rason.