Nagnaba it 15.67 porsyento ro ginatawag nga “focus crimes” sa Western Visayas sa unang quarter it 2026, apang nakalista mat-a it pagtaas sa kaso it murder suno sa Police Regional Office 6 (PRO-6).
Halin sa 434 nga kaso ko 2025, nagnaba raya sa 366 makaron nga dag-on.
Kaibahan sa mga nagnaba ro theft, rape, physical injuries, homicide, ag cybercrime.
Apang, nagsaka ro kaso it murder halin sa 22 paadto it 37, nga nagtuga it kabaeaka sa nagagrabe nga krimen.
Suno kay PRO-6 Director Police Brigadier General Josefino Ligan, epektibo ro ginpabaskog nga police operations, intelligence efforts, ag pakikipagbuligan sa komunidad rason nga nagnaba ro kabilugan nga krimen.
Apang, ginpasiguro it pulisya nga pagapabaskugon pa ro mga tikang kontra sa krimen, kapin eon sa mga lugar nga may pagtaas it insidente, agud mapabilin ro kaeowasan it publiko.
