Ginbulgar it nagpakilaeang dating aide ag bagman nga si Ramil Madriaga nga naubos ro kontrobersyal nga P125 milyong confidential funds it Office of the Vice President (OVP) ko 2022 sa sueod eamang it uwa pa it 24 oras eain sa mga naunang report nga ginastos raya sa sueod it 11 diyas.
Sa pagpamati it House Committee on Justice angot sa impeachment proceedings, direktang ginaturo ni Madriaga sa anang ginsumpaang salaysay nga personal imaw nga nag-deliver it mabahoe nga haega it kwarta sa pilang indibidwal, kaibahan sigon si Ombudsman Samuel Martires.
Gin-insister it testigo nga ro mga nasambit nga tikang hay ginhimo nana base sa direktang mando nanday dating Pangueong Rodrigo Roa Duterte (PRRD) ag Vice President Sara Duterte.
Hugot nga ginpamalibaran ni Madriaga ro report nga inabot it 11 diyas antes naubos ro pondo, base sa mga nagguwa nga report sa media ag obserbasyon it Commission on Audit (COA).
