Preparado eon ro mga de-kalibre nga atleta it Western Visayas para sa pagsabak sa Palarong Pambansa sa Mayo sa Agusan del Sur matapos nga ginsaea ro mga raya sa 2026 Western Visayas Regional Athletic Association ukon WVRAA Meet nga ginpatigayon sa Passi City.
Suno kay DepEd Region 6 spokesperson Hernani Escullar Jr., bilang kaparte it andang pagpahaum para sa Palaro, sigidas ro training ag intense coaching it mga atleta.
Tuyo kara nga masiguro nga ro mga atleta ag andang mga coach hay haum, may bastante nga ikasarang ag motibasyon agud nga maayos nga mai-represent ro Region 6.
Sa idaeum it Regional Memorandum 382, nakataeana ro pre departure meeting sa Mayo 11.
Makaangkon it send off program sa WVRAA delegation sa Mayo 14 ag magabiyahe sa Mayo 15, kun sa siin ginaeauman nga maga abot sanda sa Agusan del Sur sa Mayo 17.
Pagahiwaton ro opening program it Palarong Pambansa sa Mayo 24 sa Datu Lipus Makapandong Governor D.O. Plaza Sports Complex .
Ro pahampang hay maga-umpisa sa Mayo 26 hasta 30 kun sa siin ro closing program ag awarding ceremony hay sa maabot nga Mayo 31.
Pagkatapos it seremonya hay insigidang magabiyahe pauli ro delegasyon sa Hunyo 1 .
