Makahaeadlok ro mga ginapatigayon nga missile testing it US ag Pilipinas.
Raya ro ginpahayag ni Leodegario “Ka Leody” De Guzman, National President it Partido Lakas ng Masa.
Suno kana, raya hay madja pagpahaom sa gyera kun sa siin bukon raya it manami bangud nga uwa man it derektang kaaway ro nasyong Pilipinas.
Maka-kabaeaka sigon nga madja madamay ro Pilipinas sa mintuod nga magka-away nga mga nasyong US ag China.
Dugang pa nana, nadadamay man ro nasyong Pilipinas bangud sa pag-butang it mga US base military sa nasyon nga nakatutok sa China.Ginagamit eamang sigon kita it US para maging “pawn” kun sa siin, bukas man ro Pilipinas nga magpagamit.
Suno pa kana, maka-kabaeaka man nga basi masue-suean ro Pilipinas nga magpasilabot kapareho it natabo sigon sa Ukraine nga gyerahon ro Russia.
Paathag dugang ni Ka Leody, mayad nga pabaskugon ro depensa it nasyon eabi eon pag-abot sa kaeawran, apang dapat nga maging independyente raya ag indi mag-apin sa mga nasyon nga imbolbado sa mga gyera bangud nga madurog eamang ro Pilipinas. Indi eon sigon kita maka-eagas eabi eon pag-abot sa mga armas bangud sa posibilidad nga pwedeng gutmon lang ro pumueuyo kun ibutang tanan nga pondo kara.
Dapat lang sigon nga pabaskugon ro industriya ag indi magpang-away ag mag-pagamit sa ibang nasyon.
