Ginpamalibaran it Iranian Oil Terminals Company ro mga report angot sa gina-alegar nga oil leak maeapit sa Kharg Island, sambilog sa nagapangunang oil export hubs it Iran sa Persian Gulf.
Nagguwa ro report matapos nga magpakita sigon ro satellite imagery it mabahoe nga oil slick sa kadagatran sa nakatungdan it isla ko nagtaliwan nga mga inadlaw.
Suno sa chief executive it kumpanya, nagpatigayon sanda it maid-id nga inspeksyon sa mga storage tanks, pipelines, loading facilities, ag mga tanker sa lugar apang owa sanda it nakitang anumang senyales it tagas it langis.
Ginpahayag man it opisyal nga owa man it nailistang oil leakage ro Marine Emergency Mutual Aid Center ukon MEMAC, sangka regional marine pollution monitoring body.
Dugang pa kara nga nagapatigayon sigon ro mga Iranian teams it dugang nga field inspections ag laboratory testing matapos magkalhit ro mga report, apang owa sanda it nakita maskin nga sangkiri nga traces ukon bakas it oil spill.
