Ginkilaea it Southern Police District (SPD) ro ginasugid nga suspek nga nadakpan may kaangtanan sa pagpaeupopk it baril maeapit sa Senado gabi-i it Miyerkules, Mayo 13, 2026.
Raya hay nakilaea kay Mel Oragon, 44 anyos, nga nagatrabaho bilang driver it National Bureau of Investigation (NBI).
Ginkumpirma it mga otoridad nga ro pagdakop sa suspek hay matapos ro shooting incident nga nagtuga it kakoeba ag security restrictions sa lugar.
Suno sa kapulisan, padayon pa ro imbestigasyon agud masayuran ro motibo sa insidente.
Owa pa it dugang nga detalye ro mga otoridad angot sa posible nga kaso kontra sa suspek ukon kun may iba pa nga eakot sa pagpaeupok it baril.
Padayon ro mga imbestigador sa pagtipon it mga ebidensya ag pag-review it CCTV footage bilang kaparte it nagapadayon nga imbestigasyon.
