Ginbulgar ni Senador JV Ejercito, adlaw it Lunes, Mayo 18 nga gintanyagan imaw ni Senate President Alan Cayetano nga maging Senate Majority Leader, apang nga anang ginpamalibaran.
“I thank Mr. [Senate] President for the trust and confidence. I was offered to become Majority Leader, but as of this time, I would rather remain independent,” pahayag ni Ejercito sa sesyon it plenaryo bago ro pormal nga pag-convene it Senado bilang impeachment court sa pagbista kay Vice President Sara Duterte.
“Thank you for the trust. Being a Majority Leader is one of the most powerful positions in the Senate,” pahayag dugang kara.
Sa sesyon it plenaryo, ginpahayag nanday Ejercito ag Senador Juan Miguel Zubiri ro andang intensyon nga magsunod sa Senate minority bloc nga presenteng ginapamunuan ni Senador Vicente Sotto III, nga ginpahalin bilang Senate President ko Mayo 11.
Ro Senado hay ginaeakipan makaron it 13 miyembro it majority bloc, ag 10 sa minority.
