Nagpanawagan ro 11 senador nga kaibahan sa minority bloc nga magbuhi si Senate President Alan Peter Cayetano matapos ro padayon nga uwa pagpatawag it sesyon it Senado umpisa ku dominggo.
Ginpunto it grupo nga gineabag sigon ro mga sueundanan it Senado angot it pagpa-iway it sesyon, ag ginpunto nga naapektuhan kara ro pagpatuman it kapueungan sa mga obligasyon karang paghimp it laye ag pagtalakay sa importanteng problema it nasyon.
Ginpangunahan ni Sen. Vicente ‘Tito’ Sotto III ro minority bloc nga ginakaeakipan nanday senators Panfilo Lacson, Juan Miguel Zubiri, Sherwin Gatchalian, Francis ‘Kiko’ Pangilinan, Risa Hontiveros, Bam Aquino, JV Ejercito, Lito Lapid, ag magmaeanghod nga sanday Erwin Tulfo ag Raffy Tulfo.
Kadungan kara, ginengganyo it minority bloc ro tanan nga senador nga nagtambong sa nabilin nga sesyon it Kongreso para mapadayon ro mga nakahathat nga proposisyong kaye ag iba pang ueubrahon it Senado.
Ginpamalibaran man it grupo ro alegasyong gusto nandang baeabagan ro mga pagpamati angot it imbestigasyon sa anomalya sigon sa mga proyektong flood control.
