Ginpahayag ni Professor Danilo Arao it University of the Philippines College of Mass Media ang Communication nga bukon dapat it isaeang ka sektor eamang ro basueon sa nagaeawig nga problema it bullying sa mga eskwelahan.
Suno kana, raya hay systemic nga nagatuhaw tuga it nagakaeain-eain nga mga rason kapareho it impluwensya it media ag social media, sitwasyon sa pamilya, komunidad, relihiyon, ag kalidad it edukasyon nga ginabaton it mga kabataan.
Ginhambae man nana nga kinahangean nga maimbestigahan it mayad ro mga ugat it madugo nga insidente it pagpamaril sa eskwelahan imbes nga mag-pokus eamang sa pag-ban it mga video games ukon iba nga manabaw nga solusyon.
Dugang pa ni Arao, importante nga mapabaskog ro critical thinking ag media literacy sa mga kabataan ag i-prayoridad man it gobyerno ro pagpa-umwad it kahimtangan it pamilya ag komunidad agud malikawan ro bullying ag iba pa nga porma it karahasan sa eskwelahan.
