Nagnaba it 20.31 porsiyento ro nalistang focus crimes sa Western Visayas sa sueod it sang buean, base sa datos ng Police Regional Office 6 (PRO-6).
Halin Mayo 22 hasta Hunyo 21, 2026, nakalista ro PRO-6 it 102 kaso it focus crimes, mas manaba kumpara sa 128 insidente ku nagtaliwan nga buean.
Pinakamabahoe ro gin-naba it mga kaso it homicide nga umabot sa 41.67 porsiyento, ginsundan it rape sa 29.17 porsiyento ag physical injury sa 22.22 porsiyento.
Uwa man it nalistang kaso it carnapping it motor vehicle sa nasambit nga tyempo.
Suno sa PRO-6, bunga ro pagnaba it mga kaso it ginpabaskog nga kampanya kontra sa kriminalidad, intelligence operations, ag pakikipagbueuligan sa mga lokal nga gobyerno ag komunidad.
Padayon man sigon nga gina-pabaskog it pulisya ro mga tikang sa crime prevention para mapabilin ro kaeuwasan ag kaayusan sa rehiyon.
