Nagpahayag si Ombudsman Jesus Crispin Remulla nga paga-pabaskugon it anang taeatapan ro mga tikang para mabawi ro mga ill-gotten wealth sigon ukon nakaw nga yaman nga gintago sa Estados Unidos.
Sa sangka town hall meeting sa Washington, D.C., ginhambae ni Remulla nga indi dapat magserbeng euwas nga kanlungan ro U.S. para sa mga ilegal nga yamang nag-halin sa Pilipinas, sa pihak nga uwa imaw nagsambit it anumang partikular nga kaso.
Ginpakita man nana ro mga repormang ginasueong it Office of the Ombudsman, kaibahan ro pagpabaskog it koneksyon sa ibang nasyon ag pagpaeawig it access sa mga serbisyong pampubliko.
Antes raya, nagtambong si Remulla sa ika-7 Global Conference on Sustainable Development Goal (SDG) 16 sa New York City, kun siin gintalakay nana ro imbestigasyon it Ombudsman sa multi-bilyong piso sigon nga anomaliya sa mga flood control project sa nasyon.
